Staðsetning
Við höfum úr nokkrum staðsetningum að velja í stíl við veður og aðstæður.
Höfuðborgarsvæðið: Hafrafell, Úlfarsfell, Skálafell, Bláfjöll, Kambar
Suðurströndin: Seljalandsfoss, Vík í Mýrdal

Í kynningarflugi ferðu í loftið sem nemandi með flugkennara Fisfélags Reykjavíkur. Þú færð grundvallar kynningu á því hvernig svifvængurinn virkar og undirbúning fyrir flugtak. Saman hlaupið þið svo inn í vindinn fram af aflíðandi fjallinu þar til vængurinn tekur við og hefur ykkur á loft. Flugkennarinn stýrir vængnum og kynnir þér grunninn í svifvængjaflugi. Ef aðstæður leyfa fær nemandinn að prófa að stýra vængnum.

Klæðnaður
Gönguskór.
Útivistarfatnaður miðað við veður.
Vettlingar og þunn húfa/buff.

Flugtími
Svifvængjaflug er algerlega veðurháð íþrótt og við fljúgum eingöngu þegar aðstæður eru öruggar. Vindar ráða miklu um flugtíma þar sem við notum ekki mótor heldur vinduppstreymi til að haldast á flugi. Kynningarflug getur því verið 3-20 mín að lengd, allt eftir aðstæðum. Við fylgjumst vel með veðurspám og förum á flugstað ef líkur eru góðar. Við reynum alltaf að ná 20 mínútna flugi.

Myndataka
Þú mátt taka þína eigin myndavél með á eigin ábyrgð.
Við fljúgum með GoPro vélar á stöng og þú getur fengið afrit af þeim myndum.

Öryggið á oddinn!
Við fljúgum einungis í öruggum aðstæðum. Ef spáin/veður/aðstæður breytast og við teljum ekki öruggt að fljúga, þá annaðhvort hinkrum við eftir að aðstæður breytist eða hættum við og bókum annan tíma. Svifvængjaflug er áhættusport og nemandi í kynningarflugi flýgur ávallt á eigin ábyrgð.

Afsláttur
Kynningartími í Svifvængjaflugi er íþróttanámskeið og flest stéttarfélög taka veglegan þátt í kostnaði. Kynntu þér t.d. varasjóð, starfsmenntasjóð og tómstundasjóð hjá þínu félagi.